في نص الليل....ماتت ضحكة بابا نويل وقعت ع الارض الزينة..
وفجاء لقينا شجرة الكريسماس حزينة!!
كنا لسه رافعين ايدينا..رافعين
عيونا
بنقول ياريتك ع السنة دي يارب تعينا
والقلوب مليانة خير
والاطفال لابسين طراطير
فرحانين بالعيد يا عيني
فاكرين بجد ..happy new year
وبنصرخ قدوووووووس قدووووووس
الكنيسة اتهزت بينا...خفنا علي ولادنا واهالينا
خفنا....جرينا
جت طرطشة الدم علينا
طلعنا علي باب الكنيسة...قصادنا لقينا
دراعات مرمية ومقطوعة...دراعات مرسوم فوقها صليب
وصوابع منها مخلوعة...
تمشي تلاقي....جنبك راس ورجول ووشوش
وبقع دم....ع الحيطة في اجزاء جسم !
رجل ابن وايدين اخته وعيون اب ودماغ ام !!!
واحدة وجسمها كله بينزف....تعبت صرخت
واحد وعلي الارض بيزحف...رجله اتقطعت
وامهات علي خدها لطمت
صرخوا بصرخة خوف وعويل....وبتبكي علي ولادها راحيل
في نص الليل...ماتت ضحكة بابا نويل
وقعت ع الارض الزينة ...وفجاءة لقينا
شجرة الكرسيماس حزينة !
بس لامتي يارب تسبنا....ايوة بجد بجد تعبنا
بص يارب....ابنك متداس بالرجلين
بس يارب...عارفين انك اب امين
واللي ماتوا دول راحوا فين......راحوا عندك
بنطلب منك....عزي قلوبنا عشان منخفش
ضاقت بينا....قوينا علشان منقعش
ابعت با الهنا تعزية....اهالينا جثثهم مرمية
اجسامهم مبتتحركش....!
متشمتش عدونا فينا
مد ايديك...وارفعلنا راسنا المحنية
ده انت ايديك يا الهنا قوية
يرضيك لبس العيد يتحول فجاءة سواد !
يرضيك احبابنا يسيبونا ويبقوا بعاد !
يرضيك تفضل عينا يارب تملي تدمع !
اسمحلنا نصرخ باهاتنا وارجوك اسمع
ابنك يوم العيد قتلوه......بقي يرضيك !
حتي من الفرحة منعوه.....بقي يرضيك !
من اهله وناسه حرموه....بقي يرضيك !
بقي جثه وع الارض رموه....بقي يرضيك !
راميين كل حمولنا عليك....واثقين فيك
سايبن تارنا تاخده ايديك
كيرياليصوووووووووون
اسمع لينا بنصرخ ليك
اذكرونا امام عرش النعمة
