مع السلامه يا مسيحيه للرد على اعداء المسيحيه ( الجزء الاول )
بسم الثالوث الاقدس الاله الواحد
امين
سلام ونعمه يا اخوتى فى المسيح :
مبدايا متستغربوش من الاسم عشان كل واحد غير مؤمن نفسه يقول الكلمه دى من كل قلبه ههههه
نفسه يقول : مع السلامه يا مسيحيه
روحى اللهم ماترجع ابدا
كانت هم وانزاح عن القلب
قضينا على المسيحيه ههههه -ضحكه شريره-
يارب ما يبقى فى ولا واحد مسيحى الخ
كل ده واكتر غير المؤمنين نفسهم يقولوه
لكن وقفه حق احب اوجها لكل غير مؤمن عايز يقول الجمل اللى فوق او اشباها
مفكرتش انه قبلك على مدار الفين سنه وملايين من الغير مؤمنين بالمسيحيه او الاصح اعداء المسيحيه كانوا نفسهم يقولوا نفس الكلام ومش كده وبس دول طلعوا احسن منك يا اخويا وكانوا بيعملوا عشان يقضوا على المسيحيه
وكانت النتيجه
ههه كلهم ماتوا وراحوا مطرح ما راحوا
والمسيحيه فضلت واقفه شامخه رافعه راسها بتقول انا اهو على مر السنين محدش عرف يقضى عليا
وبتردد قول المسيا المخلص ( وابواب الجحيم لن تقوى عليها )
وانا النهارده عامل الموضوع ده عشان اعرف كل اعداء المسيحيه من هى عدوتهم
وهحكيلهم قصه المسيحيه بكل اختصار
المسيحيه
كان فى زمان جدنا الكبير ادم عمل غلطه كبيره فى حق ربنا ووقع من جنه عدن الحلوة ونزل للارض اللى احنا فيها وبعديه مرت السنين والقرون وبعت ربنا للناس اولاد جدنا ادم انبياء كتير يقولوا ليهم عيب اللى انتوا بتعملوه ده
ولكن الناس مسمعوش كلامهم ورفضوا يتاسفوا لربنا عن اللى عملوه
وربنا عشان بيحب الناس بعتلهم ابنه يسوع المسيح عشان يسامحهم على اللى عملوه
ولكن اليهود الوحشين بدل ما يتاسفوا للمسيح راحوا صلبوه ولانه كان بيحب كل الناس رضى انه يتصلب عشان تتغفر ليهم غلطتهم الكبيره
وبعت المسيح تلاميذه لكل الارض عشان يقولوا لكل الناس عن اللى عمله عشانهم وفعلا
ناس كتير امنت بان الله ارسل ابنه عشان يفدى البشر وحبوا المسيح جدا جدا
ومن هنا ابتدت المسيحيه
ابتدى اليهود يضطهدوا المسيحين زى ما عملوا مع سيدهم المسيح
وابتدوا يقتلوا المؤمنين ويضربوهم ويجلدوهم
قتلوا يعقوب الرسول بن زبدى والعظيم اسطفانوس رئيس الشمامسه
وتشتت المؤمنون بعدهم ولم يهربوا ويختباؤا بل جالوا مبشرين بالكلمه
كما يخبرنا الكتاب المقدس ( فالذين تشتتوا جالوا مبشرين بالكلمه ) ( سفر اعمال ابائنا الرسل الاصحاح 8: العدد4 )
وازداد الايمان بالمسيحيه يوم بعد يوم
اكبر صدمه لليهود
وفعلا حدث ما لم يتوقعه احد من اليهود او حتى المسيحين انفسهم
ان تجذب نعمه الرب المتعصب الفريسى ابن الفريسى الشاب الذى كان موافق على قتل اسطفانوس شاول الطرسوسى تلميذ غمالائيل
وتحوله الى الرسول الكريم الشهيد رسول الامم فيلسوف المسيحيه الاناء المختار من قبل الرب بولس الرسول عبد الرب يسوع المسيح ورسوله المكرم
فلقد كانت اكبر صدمه لليهود واول الصدمات
وتابعونا فى حلقات اخرى من مع السلامه يا مسيحيه الرد على اعداء المسيحيه
انتظروا بنعمه المسيح الجزء الثانى من مع السلامه يا مسيحيه
سلام ونعمه ليكم من قبل الرب مالك الارض والسماء الاله الواحد مثلث الاقانيم
